Chelsea kaupir Guiu frá Barcelona fyrir svo lítið sem 6 milljónir evra. Enska stórveldið virkjar þar með riftunarákvæði í samningi Guiu við Barca.

Guiu er 18 ára framherji sem hefur verið mikilvægur hlekkur í varaliði Barcelona, auk þess að hafa staðið sig vel á stóra sviðinu þegar Barca þurfti á honum að halda. Hann á tvö mörk í sjö keppnisleikjum með meistaraflokki en skiptir núna yfir til Chelsea.

Hann fær langtímasamning hjá Chelsea og verður gengið frá félagsskiptunum síðar í vikunni.