Þessi 22 ára örvfætti miðvörður hjálpaði Bologna að komast í Meistaradeildina.
Eftir frábært tímabil með Bologna hefur Riccardo Calafiori haldið áfram að skína með ítalska landsliðinu á EM. Hann er sagður hafa kveikt áhuga Lundúnafélaganna Arsenal og Tottenham.
Þessi 22 ára örvfætti miðvörður hjálpaði Bologna að komast í Meistaradeildina og Juventus er meðal félaga sem vilja fá hann.
Þessi 22 ára örvfætti miðvörður hjálpaði Bologna að komast í Meistaradeildina og Juventus er meðal félaga sem vilja fá hann.
Juventus náði munnlegu samkomulagi við Calafiori í maí en náði ekki samkomulagi við Bologna um kaupverð. Verðmiði leikmannsins hefur hækkað enn frekar á Evrópumótinu.
Tuttosport segir að ensku úrvalsdeildarfélögin Arsenal og Tottenham hyggist gera tilraun til að fá Calafiori í sumar. Arsenal hafi rætt við umboðsmann hans, Alessandro Lucci, og Tottenham hafi þegar sett sig í samband við Bologna.
Bologna ku vilja fá um 50 milljónir evra fyrir varnarmanninn hæfileikaríka.
Athugasemdir
