West Ham United, AS Roma og Olympique de Marseille eru meðal félaga sem hafa áhuga á Ismaël Koné, 22 ára miðjumanni Watford og kanadíska landsliðsins.
Koné er spenntur fyrir að skipta um félag þar sem hann vill reyna fyrir sér í einni af efstu deildum evrópska boltans.
Koné spilaði 46 leiki með Watford á síðustu leiktíð og er í byrjunarliði Kanada sem spilar á Copa América um þessar mundir.
Roberto De Zerbi, sem er að taka við Marseille, er sérstaklega mikill aðdáandi leikmannsins - sem á þó fjögur ár eftir af samningi við Watford.
Koné er með 20 landsleiki að baki fyrir Kanada en Watford keypti hann frá Montreal Impact í janúar í fyrra og kostaði hann um 7 milljónir punda.
Athugasemdir
