Spænski framherjinn Joselu skoraði mikilvæg mörk á láni hjá Real Madrid á síðustu leiktíð og vildi Carlo Ancelotti halda honum í hlutverki varaskeifu.
Joselu fékk þó gott tilboð frá Al-Gharafa í Sádi-Arabíu sem hann gat ekki hafnað, þar sem félagið bauð honum tveggja ára samning með möguleika á þriðja ári.
Joselu var hjá Real Madrid á láni frá Espanyol, með 1,5 milljón evru kaupmöguleika í samningnum.
Real Madrid nýtir þann möguleika og selur Joselu áfram til Al-Gharafa á sama verði.
Joselu er 34 ára gamall og kom að 20 mörkum í 49 leikjum með Real Madrid á síðustu leiktíð.
Fótboltafréttamaðurinn Fabrizio Romano hefur sett „here we go!" stimpilinn sinn á félagaskiptin.
Joselu á 5 mörk í 12 landsleikjum með Spáni og er í landsliðshópnum sem er að keppa á EM í Þýskalandi þessa dagana.
Hann hefur komið víða við á ferli sínum sem atvinnumaður í fótbolta, með stoppum hjá Stoke City og Newcastle United í enska boltanum.
Athugasemdir
