Bakvörðurinn James Justin kemur ekki til með að spila meira með Leicester á þessari leiktíð.
Frá þessum tíðindum greinir Brendan Rodgers frá á fréttamannafundi í dag.
Frá þessum tíðindum greinir Brendan Rodgers frá á fréttamannafundi í dag.
Justin þurfti að fara meiddur af velli í 3-0 sigri Leicester gegn Newport County í deildabikarnum í gærkvöldi. Í ljós kom að hann sleit hásin og verður hann því frá í nokkra mánuði.
Það var talið að hann væri inn í myndinni þegar kom að enska landsliðshópnum fyrir HM - sem var opinberaður í dag - en hann hefði aldrei komist með til Katar vegna meiðsla.
Þetta eru ekki fyrstu erfiðu meiðslin sem Justin þarf að tækla á ferli sínum. Hann kom til baka í janúar eftir að hafa verið frá í um ár vegna krossbandaslita.
Leicester, sem er í 14. sæti ensku úrvalsdeildarinnar, mætir West Ham á laugardag í síðustu umferðinni fyrir HM-pásu.
Athugasemdir
