Frá æfingu íslenska landsliðsins í morgun.
Mikið hefur verið rætt og ritað um nýja treyju íslenska landsliðsins sem liðið spilar í á EM í sumar. Kári Árnason og Emil Hallfreðsson fóru ásamst starfsmönnum KSÍ í höfuðstöðvar Errea í vetur þar sem ákveðið var hvernig nýi búningurinn yrði.
„Það mátti velja úr nokkrum týpum. Ég stend og fell með þessari treyju," sagði Kári við Fótbolta.net í dag aðspurður út í treyjuna.
Aðspurður út í gagnrýnina á treyjuna sagði Kári: „Mér gæti ekki verið meira sama. Mér finnst þetta vera flott treyja."
Danir í enskum stíl undir stjórn Hareide:
Kári er spenntur fyrir leiknum gegn Dönum í Herning annað kvöld. ,Það er kominn tím til að við vinnum þá. Ég held að við séum í fínu standi til að gera það núna. Ég held að okkar líkur séu finar."
Age Hareide stýrir danska landsliðinu í fyrsta skipti annað kvöld en hann hætti sem þjálfari Kára hjá Malmö í lok síðasta árs. Hvernig reiknar Kári með að Danir spili á morgun?
„Það verður mjög direct. Hann vill vinna boltann hátt á okkar svæði og það verður mikil pressa. Þetta verður ekki 'possesion' fótbolti eins og þeir hafa spilað upp á síðkastið. Þetta verður meira í enskum stíl."
Ætla að klára deild og bikar
Keppni í sænsku úrvalsdeildinni er að hefjast en Kári og félagar í Malmö eru hins vegar komnir í bikarúrslit. Bikarkeppnin í Svíþjóð fer að mestu fram áður en deildarkeppnin hefst.
„Þetta er mjög einkennilegt. Það er einhver riðlakeppni og síðan eru tveir leikir sem þú þarft að vinna, þá ertu kominn í úrslit fyrir mót. Þetta er okkar leið í Evrópu. Við lögðum mikinn metnað í þetta og erum komnir í úrslitaleikinn. Við munum vinna hann á heimavelli," sagði Kári sem er mjög brattur fyrir tímabilið.
Við erum með sterkasta liðið í deildinni, á pappírnum allavegana, og við ættum að klára bæði bikar og deild," sagði Kári ákveðinn.
Hér að ofan má sjá viðtalið í heild sinni.
Athugasemdir
