Það var mikið um dýrðir í 10. umferð 2. deildar karla í dag en Þróttur V. og KFG unnu magnaða sigra í markaveislum á meðan KFA vann Völsung, 2-0, í hörkuleik.
Rafael Caballe skoraði eina mark Hattar/Hugins í 1-0 sigrinum á KF í dag. Markið gerði hann á 17. mínútu leiksins.
Þróttur V. sótti þá magnaðan 5-3 sigur gegn Haukum á BIRTU-vellinum í Hafnarfirði.
Haukar voru með 3-0 forystu eftir nítján mínútur. Daði Snær Ingason skoraði tvö og Guðjón Pétur Lýðsson eitt.
Jóhann Þór Arnarsson kom Þrótturum inn í leikinn undir lok fyrri hálfleiks og þegar rúmur klukkutími var liðinn gerðu þeir Guðni Sigþórsson og Hreinn Ingi Örnólfsson tvö mörk fyrir gestina.
Jóhann Þór gerði annað mark sitt á 70. mínútu og kom Þrótturum í forystu áður en Haukur Darri Pálsson gulltryggði gestunum góðan 5-3 sigur.
Önnur markaveisla var í boði í Garðabæ er KFG vann Reyni Sandgerði, 5-4.
Staðan var 3-2 fyrir KFG í hálfleik. Ólafur Bjarni Hákonarson bætti við forystuna á 56. mínútu en Reynismenn komu til baka. Kristófer Páll Viðarsson skoraði úr víti og þá jafnaði Sindri Þór Guðmundsson á 77. mínútu.
Jón Arnar Barðdal var hetja KFG með marki á lokamínútum og leiksins og þar við sat.
Selfoss vann 2-1 útisigur á Ægi. Þorlákur Breki Baxter og Aron Vokes með mörk gestanna en Brynjólfur Þór Eyþórsson gerði mark Ægis undir lok fyrri hálfleiks.
KFA vann 2-0 sigur á Völsungi á Húsavík. Heiðar Snær Ragnarsson kom KFA á bragðið á 6. mínútu og þá bætti Julio Fernandes við öðru undir lok leiks.
Víkingur Ólafsvík er eina taplausa liðið í deildinni en liðið gerði 1-1 jafntefli við Kormák/Hvöt.
Heimamenn í Kormáki/Hvöt jöfnuðu á 78, mínútu leiksins og undir lokin fengu tveir Ólafsvíkingar að líta rauða spjaldið. Ómar Castaldo Einarsson, markvörður Víkings, og varamaðurinn Aron Gauti Kristjánsson voru báðir reknir af velli.
Selfoss er á toppnum með 25 stig, Víkingur Ó í öðru sæti með 20 stig og svo kemur KFA í þriðja sæti með 19 stig.
Úrslit og markaskorarar:
Höttur/Huginn 1 - 0 KF
1-0 Rafael Llop Caballe ('17 )
Haukar 3 - 5 Þróttur V.
1-0 Daði Snær Ingason ('9 )
2-0 Daði Snær Ingason ('11 )
3-0 Guðjón Pétur Lýðsson ('19 )
3-1 Jóhann Þór Arnarsson ('44 )
3-2 Guðni Sigþórsson ('61 )
3-3 Hreinn Ingi Örnólfsson ('67 )
3-4 Jóhann Þór Arnarsson ('70 )
3-5 Haukur Darri Pálsson ('90 )
KFG 5 - 4 Reynir S.
1-0 Bjarki Hauksson ('2 )
1-1 Kristófer Páll Viðarsson ('9 )
2-1 Arnar Ingi Valgeirsson ('29 )
3-1 Jón Arnar Barðdal ('39 )
3-2 Bergþór Ingi Smárason ('40 )
4-2 Ólafur Bjarni Hákonarson ('56 )
4-3 Kristófer Páll Viðarsson ('58 , Mark úr víti)
4-4 Sindri Þór Guðmundsson ('77 )
5-4 Jón Arnar Barðdal ('87 )
Kormákur/Hvöt 1 - 1 Víkingur Ó.
0-1 Luis Romero Jorge ('43 )
1-1 Artur Jan Balicki ('78 , Mark úr víti)
Rautt spjald: ,Ómar Castaldo Einarsson , Víkingur Ó. ('90)Aron Gauti Kristjánsson , Víkingur Ó. ('90)
Ægir 1 - 2 Selfoss
0-1 Þorlákur Breki Þ. Baxter ('24 )
0-2 Aron Lucas Vokes ('33 )
1-2 Brynjólfur Þór Eyþórsson ('41 )
Völsungur 0 - 2 KFA
0-1 Heiðar Snær Ragnarsson ('6 )
0-2 Julio Cesar Fernandes ('90 )
2. deild karla
Lið | L | U | J | T | Mörk | mun | Stig |
---|---|---|---|---|---|---|---|
1. Selfoss | 10 | 8 | 1 | 1 | 21 - 9 | +12 | 25 |
2. Víkingur Ó. | 10 | 5 | 5 | 0 | 24 - 12 | +12 | 20 |
3. KFA | 10 | 6 | 1 | 3 | 23 - 17 | +6 | 19 |
4. Völsungur | 10 | 5 | 1 | 4 | 20 - 14 | +6 | 16 |
5. Þróttur V. | 10 | 5 | 1 | 4 | 18 - 17 | +1 | 16 |
6. Ægir | 10 | 4 | 3 | 3 | 16 - 12 | +4 | 15 |
7. Haukar | 10 | 4 | 2 | 4 | 17 - 19 | -2 | 14 |
8. Kormákur/Hvöt | 10 | 3 | 3 | 4 | 10 - 12 | -2 | 12 |
9. Höttur/Huginn | 10 | 3 | 3 | 4 | 17 - 21 | -4 | 12 |
10. KFG | 10 | 3 | 1 | 6 | 17 - 19 | -2 | 10 |
11. Reynir S. | 10 | 1 | 2 | 7 | 15 - 30 | -15 | 5 |
12. KF | 10 | 1 | 1 | 8 | 8 - 24 | -16 | 4 |
Athugasemdir