Reece James haltraði af velli
Enski hægri bakvörðurinn Reece James þurfti að fara meiddur af velli er Chelsea vann Milan, 2-0, í Meistaradeildinni á San Siro í kvöld, en hann hélt um hné sitt er hann gekk af velli.
James hefur verið einn af bestu hægri bakvörðum Englands síðustu ár.
Hann hefur spilað lykilhlutverk í liði Chelsea og er þá orðinn fastamaður í enska landsliðinu undir stjórn Gareth Southgate, en stuðningsmenn Chelsea og landsliðsins tóku væntanlega andköf er hann hélt um hné sitt á San Siro, enda stutt í HM í Katar.
Graham Potter, stjóri Chelsea, skipti honum af velli á 62. mínútu og vonast James til þess að þetta sé ekkert alvarlegt en hann fer í myndatöku á morgun.
„Krossa fingur og vona að þetta sé ekki eitthvað slæmt. Takk fyrir alla ástina og skilaboðin," sagði James á Twitter.
Fingers crossed it’s not a bad one 🤞🏾 Love for all the messages, I appreciate you all 💙🫶🏽 pic.twitter.com/2DvHS5r4lM
— Reece James (@ReeceJames) October 11, 2022
Athugasemdir
