
Íslenska landsliðskonan Áslaug Munda Gunnlaugsdóttir var rekin af velli í byrjun síðari hálfleiks í leik Portúgal og Íslands í umspili fyrir HM í kvöld.
Rauða spjaldið fékk Áslaug fyrir að fara aftan í Jessicu Silva, leikmann portúgalska liðsins og vítaspyrna dæmd.
Þegar endursýningin var skoðuð virtist dómurinn mjög harður og hefði verið réttast að gefa henni gula spjaldið.
Dómarinn fór að VAR-skjánum og stóð við dóm sinn. Áslaug var því send í sturtu en foreldrar hennar hughreystu hana í stúkunni á meðan leik stóð.
Mynd af því má sjá hér fyrir neðan.
Áslaug Munda fær knús frá mömmu sinni og pabba 💙 pic.twitter.com/r6c7D5QIBx
— Guðmundur Ásgeirsson (@gummi_aa) October 11, 2022
Athugasemdir