Sandra Sigurðardóttir.
Sandra Sigurðardóttir hefur verið algjörlega stórkostleg í þeim leikjum sem hún hefur spilað með landsliði og félagsliði sínu undanfarna mánuði og ár.
Sandra, sem er 36 ára, var í markinu hjá Íslandi er stelpurnar okkar töpuðu gegn Portúgal í umspilinu fyrir HM í gærkvöldi.
„Ég tek mér örugglega nokkrar vikur í að jafna mig á þessu," sagði Sandra eftir leikinn en hún ætlar ekki að hætta í fótbolta strax.
„Ég er búin að eiga gott tímabil, já já. En þetta var stóri draumurinn minn og ég veit eiginlega ekki hvað ég á að segja. Ég ætla mér að halda áfram í fótbolta. Mér finnst það gaman og það hefur gengið vel."
Mögulega var þetta síðasta tækifæri Söndru að spila á HM, en næsta mót fer fram 2027.
Sandra átti ótrúlega gott tímabil með Val þar sem liðið varð bæði Íslands- og bikarmeistari.
Athugasemdir
