Neil Lennon stjóri Omonia var gríðarlega stoltur af liðinu þrátt fyrir tap gegn Manchester United í kvöld.
Francis Uzoho markvörður liðsisn var frábær í leiknum og hrósaði Lennon honum í hástert eftir leikinn.
„Þegar þú spilar gegn liði á þessu kaliberi með lið á okkar kaliberi þarftu góða frammistöðu frá markverðinum. Hann var í heimsklassa í dag, ég er svo ánægður fyrir hans hönd," sagði Lennon.
Það stefndi í bestu úrslit í sögu félagsins.
„Við vorum nálægt því að næla í bestu úrslit í sögu félagsins."
Hann sagði þó að það hafi verið ýmislegt sem betur hefði mátt fara. Liðið hafi gefið boltann frá sér full auðveldlega oft á tíðum að hans mati.
Athugasemdir
