Enski hægri bakvörðurinn Reece James þurfti að fara meiddur af velli er Chelsea vann AC Milan, 2-0, í Meistaradeildinni fyrr í þessari viku.
James hefur verið einn af bestu hægri bakvörðum Englands síðastliðin ár.
Hann hefur spilað lykilhlutverk í liði Chelsea og er þá orðinn fastamaður í enska landsliðinu undir stjórn Gareth Southgate.
Núna segir Sami Mokbel á Daily Mail frá því að meiðsli James séu alvarlegri en í fyrstu var talið. Fólk er hrætt um það að hann missi af HM í Katar.
Enska landsliðið á fleiri hægri bakverði en það yrði samt sem áður áfall fyrir liðið að missa James út.
Athugasemdir
