Guðrún Elísabet Björgvinsdóttir.
Guðrún Elísabet Björgvinsdóttir, sóknarmaður Aftureldingar, gat ekki mikið beitt sér í sumar vegna meiðsla.
Guðrún Elísabet, sem er fædd árið 2000, var markadrottning Lengjudeildarinnar í fyrra með 23 mörk í 17 leikjum. Henni tókst aðeins að spila átta leiki í Bestu deildinni í sumar og skoraði hún tvö mörk í þeim.
Hún er áfram samningsbundin Aftureldingu en það verður að teljast líklegt að hún leiki áfram í Bestu deildinni.
„Hún hlýtur að fá einhver símtöl, það hlýtur að vera," sagði Ingunn Haraldsdóttir í Heimavellinum.
„Ég get ekki annað en ímyndað mér það eftir að hafa skorað 23 mörk í Lengjudeildinni að hana langi að ná heilu tímabili í Bestu deildinni til að sjá hvar hún stendur," sagði Guðrún Jóna Kristjánsdóttir.
Rætt var um það í þættinum að Afturelding gæti lánað hana í Bestu deildina á næstu leiktíð. „Ég veit að Mosfellingar eru að horfa í það að fara beinustu leið upp aftur," sagði Mist Rúnarsdóttir.
„Það myndu öll lið í deildinni þiggja starfskrafta hennar," sagði Mist um Guðrúnu en hægt er að hlusta á alla umræðuna hér fyrir neðan.
Athugasemdir
