„Einhver sagði við mig um daginn að ég hafi ljómað upp (e. Glow up). Ég veit ekkert hvað það þýðir. Ég eldist eins og gott vín. Ég fór í klippingu hjá einhverjum sem klippir hárið á leikmönnunum svo það hefur örugglega gert eitthvað, það kostaði mun meira en ég hélt að það myndi gera," sagði Potter.
Hann var yfirleitt í íþróttagallanum á hliðarlínunni hjá Brighton en er nú kominn í sparigallann.
„Ég var einu sinni alltaf í 'turtle neck' peysu. Þetta er ekki nýr jakki, ekki það gamall en ekki nýr, ef þú skoðar til baka, ég veit að þetta er ekki rannsóknarblaðamennska en ég held að við höfum unnið Tottenham 1-0 með þessum jakka svo kannski er þetta happa jakki."
Gummi og Sæbjörn Steinke komu aðeins inn á Potter í hlaðvarpsþættinum Enski Boltinn.
„Það sem mér hefur fundist athyglisverðast hjá Chelsea upp á síðkastið er Graham Potter. Hann er búinn að breytast svo mikið frá því hann fór frá Brighton, hann er orðinn meiri töffari, kominn með 'fade' í hárið," sagði Gummi.
