14:00 ÍA-Grótta (Norðurálsvöllurinn)
- Skagamenn á toppnum og innsigla það með stigi.

ÍA er með öll spil á hendi fyrir lokaumferðina og tryggir sér toppsætið með því að tapa ekki gegn Gróttu á heimavelli. ÍA endar á toppnum sama hvernig leikurinn fer ef Afturelding tekst ekki að vinna Þrótt.

Grótta er tölfræðilega ekki búin að bjarga sér frá falli en það er þó ekki raunhæft að liðið falli miðað við stöðuna.

14:00 Þróttur R.-Afturelding (AVIS völlurinn)
- Þróttur berst fyrir lífi sínu og Afturelding heldur í vonina um toppsætið.

Þróttur er í fallhættu, er eitt þriggja liða sem eru með 23 stig og liðið er markatölunni frá því að vera í fallsæti. Markatalan gæti ráðið úrslitum að lokum.

Afturelding hefur verið í toppsætinu stærstan hluta tímabilsins en þarf að vinna Þrótt og treysta á að Grótta vinni ÍA til að geta endað á toppnum. Flest bendir til þess að úrslitakeppnin verði niðurstaðan hjá Mosfellingum.

14:00 Selfoss-Vestri (JÁVERK-völlurinn)
- Selfoss er í fallsætinu fyrir lokaumferðina.

Selfyssingar sitja í fallsæti og er eitt fjögurra liða sem eru í alvöru fallhættu fyrir lokaumferðina. Líklegasta liðið til að fara niður fyrir lokaumferðina.

Vestramenn eru öruggir með sæti í úrslitakeppninni og munu þar mæta Fjölni í úrslitakeppninni. Fjórir leikmenn Vestra taka út bann á morgun og mæta því með nánast hreint borð í úrslitakeppnina.

14:00 Fjölnir-Njarðvík (Extra völlurinn)
- Njarðvík er í fallhættu fyrir lokaumferðina.

Fjölnismenn eru öruggir með sæti í úrslitakeppninni og munu þar mæta Vestra í úrslitakeppninni. Fjórir leikmenn Fjölnis taka út bann á morgun og mæta því með nánast hreint borð í úrslitakeppnina.

Njarðvík er í fallhættu, er eitt þriggja liða sem eru með 23 stig og liðið er markatölunni frá því að vera í fallsæti. Markatalan gæti ráðið úrslitum að lokum.

14:00 Þór-Grindavík (VÍS völlurinn)
- Þór er í fallhættu en margt þarf að gerast.

Þórsarar eru með stigi meira en þrjú lið sem koma þar á eftir. Það er enn hætta á að Þórsarar falli ef þeir vinna ekki Grindvíkinga. Þá þurfa liðin fyrir neðan öll að ná hagstæðum úrslitum.

Grindvíkingar eiga ekki möguleika á því að komast í úrslitakeppnina og spila upp á stoltið í lokaumferðinni.

12:00 Ægir-Leiknir R. (Þorlákshafnarvöllur)
- Leikurinn sem engu skiptir.

Ægismenn eru löngu fallir og Leiknismenn munu enda í fimmta sæti og mæta liðinu sem endar í öðru sæti í undanúrslitum úrslitakeppninnar, líklega Aftureldingu en mögulega ÍA.

50 milljóna króna leikurinn:
Leikið er eftir nýju fyrirkomulagi þar sem aðeins efsta lið deildarinnar fer beint upp í Bestu deilduna en liðin í sætum 2-5 fara í umspilskeppni um hitt lausa sætið.

Ljóst er hvaða lið fara í úrslitakeppnina, fyrir utan liðin sem berjast um toppsætið. Í undanúrslitum er leikið heima og að heiman og svo verður hreinn úrslitaleikur um sæti í Bestu deildinni sem spilaður verður á Laugardalsvelli. Sá leikur er kallaður '50 milljóna króna leikurinn'. Búið er að reikna út að sigurliðið muni fá 50 milljónir aukalega í tekjur með því að komast upp.

Afturelding eða ÍA mun mæta Leikni í undanúrslitum, Fjölnir mætir Vestra. Fyrri undanúrslitaleikirnir verða 22. septmber, næsta miðvikudag, og þeir seinni 26. september. Úrslitaleikurinn verður svo 30. september á Laugardalsvelli.