Kylian Mbappe
Launahæsti fótboltamaður heims, Kylian Mbappe, hefur ekki farið fram á að Pari Saint-Germain leyfi honum að fara í janúar. Þetta sagði hann eftir 1-0 sigur liðsins á erkifjendum þeirra í Marseille í kvöld.
Franskir og spænskir fjölmiðlar fullyrtu það að Mbappe væri óánægður í herbúðum PSG og að hann væri búinn að óska eftir því að hann yrði seldur í janúar.
Mbappe framlengdi samning sinn við PSG til næstu þriggja ára í sumar og varð hann um leið launahæsti fótboltamaður heims.
Hann fékk meiri völd hjá félaginu og kemur meðal annars að ákvörðunum er varðar kaup og sölur á leikmönnum ásamt því að hafa átt í þátt í að fá nýjan þjálfara inn.
Mbappe hefur þó ekki verið ánægður með hlutverk sitt í liðinu en hann spilar sem fremstir maður. Frakkinn vill sjálfur fá meira frjálsræði í liðinu og hafa stóran og stæðilegan mann frammi sem getur hjálpað honum að blómstra.
Frakkinn segir þó ekkert hæft í þeim fréttum að hann sé á förum.
„Ég hef ekki farið fram á það við Paris Saint-Germain að félagið selji mig í janúar. Ég er ekki brjálaður út í félagið, það er alls ekki satt," sagði Mbappe við fjölmiðla í kvöld.
Athugasemdir
