Það er mikil pressa á brasilíska landsliðinu að vinna HM í ár eins og alltaf en liðið hefur oftar en ekki valdið vonbrigðum.
Neymar er skærasta stjarna liðsins en brasilíska goðsögnin Ronaldo segir að það sé mesta pressan á honum að næla í titilinn.
„Mér finnst auðvitað vera miklu meira jafnvægi á liðinu en á undanförnum mótum. Hann mun fá aðstoð frá frábærum leikmönnum og hann er að eiga gott tímabil núna," sagði Ronaldo.
Liðið hefur ekki komist í undan úrslit á síðustu fjórum mótum en varð heimsmeistari í Suður Kóreu og Japan árið 2002.
„Tapið árið 1998 hefur haft mikil áhrif á liðið alla tíð en það frábæra við fótbolta er að þú getur alltaf komið til baka og fengið ný tækifæri. Það gerðist árið 2002," sagði Ronaldo.
Athugasemdir
