Jón Daði Böðvarsson skoraði eitt mark í sigri Bolton gegn varaliði Leeds í kvöld.
Leiknum lauk með 3-0 sigri Bolton en Jón Daði sá til þess að liðið var með eins marks forystu þegar flautað var til hálfleiks. Jóni var skipt af velli snemma í síðari hálfleik.
Leikurinn fór fram í neðrideildabikarnum en Bolton er komið í 32 liða úrslit keppninnar.
Birkir Bjarnason bar fyrirliðabandið í öruggum sigri Adana Demirspor í tyrkneska bikarnum í kvöld.
Liðið mætti Adiyaman sem leikur í þriðju efstu deild en leiknum lauk með 5-0 sigri Adana. Liðið er því komið i 64 liða úrslit keppninnar.
Atli Barkarson er loksins kominn á fulla ferð eftir meiðsli en hann spilaði allan leikinn í 4-1 sigri Sonderjyske gegn Koge í bikarnum. Hann lagði upp fyrsta mark liðsins.
Liðið er því komið í 16 liða úrslit bikarsins.