„Knattspyrnudeild Selfoss þakkar Tokic fyrir allar góðu stundirnar síðustu ár og óskum honum velfarnaðar í því sem hann tekur sér fyrir hendur í framtíðinni," segir í tilkynningu Selfoss.

Tokic gekk í raðir Selfoss um mitt sumar 2018. Síðan þá hefur hann leikið 93 leiki fyrir félagið og skorað í þeim 90 mörk.

„Tokic hefur tekið þátt í uppgangi félagsins á undanförnum árum en nú er komið að öðrum að taka við keflinu."

Tokic, sem er 32 ára Króati, hefur einnig leikið með Víkingi Ólafsvík og Breiðablik hér á landi.

Tokic skoraði sex mörk í tólf leikjum í Lengjudeildinni í sumar er Selfoss endaði í níunda sæti.