Fjórum fyrstu leikjum kvöldsins er lokið í ensku úrvalsdeildinni þar sem Darwin Nunez gerði sigurmark Liverpool gegn West Ham United.
Nunez, sem átti einnig skot í stöng, gerði eina mark leiksins með frábærum skalla eftir fyrirgjöf frá Kostas Tsimikas í fyrri hálfleik.
Liverpool stjórnaði ferðinni en Hamrarnir voru á lífi allt til leiksloka. Besta færi gestanna kom undir lok fyrri hálfleiks þegar Jarrod Bowen steig á vítapunktinn en Alisson Becker varði meistaralega frá honum.
Hamrarnir fengu dauðafæri í síðari hálfleik en Alisson stóð vaktina vel og bjargaði sínum mönnum.
Liverpool er í sjöunda sæti með 16 stig eftir 10 umferðir á meðan West Ham er með 11 stig eftir 11 umferðir.
Liverpool 1 - 0 West Ham
1-0 Darwin Nunez ('22)
Chelsea gerði þá markalaust jafntefli á útivelli gegn Brentford er liðin mættust í Lundúnaslag. Graham Potter gerði margar breytingar á byrjunarliðinu eins og vanalega en leikurinn var nokkuð jafn.
Conor Gallagher meiddist eftir 15 mínútur og kom Mateo Kovacic inn í hans stað en lítið marktækt gerðist í leiknum. Bæði lið fengu fín færi til að gera sigurmarkið en inn vildi boltinn ekki.
Chelsea er í fjórða sæti eftir jafnteflið, með 20 stig eftir 10 umferðir, á meðan Brentford er með 14 stig eftir 11 umferðir.
Brentford 0 - 0 Chelsea
Miguel Almiron gerði glæsilegt sigurmark er Newcastle lagði Everton á heimavelli. Newcastle stjórnaði ferðinni en tókst ekki að gera út um leikinn gegn arfaslökum gestum.
Everton átti aðeins eina marktilraun í leiknum en hún hæfði ekki markrammann og sanngjarn sigur Newcastle, sem hefði getað verið stærri, staðreynd.
Newcastle er í fimmta sæti eftir sigurinn, með 18 stig eftir 11 umferðir. Everton er með 10 stig.
Newcastle 1 - 0 Everton
1-0 Miguel Almiron ('31)
Ralph Hasenhüttl þraukar þá enn í starfi hjá Southampton eftir að lærisveinum hans tókst að leggja Bournemouth að velli.
Che Adams gerði eina mark leiksins á níundu mínútu eftir undirbúning frá franska bakverðinum Romain Perraud.
Heimamenn í Bournemouth voru sterkari aðilinn og óheppnir að skora ekki en Southampton fer upp í 11 stig með sigrinum. Bournemouth er með 13 stig.
Bournemouth 0 - 1 Southampton
0-1 Che Adams ('9)
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Liverpool | 29 | 21 | 7 | 1 | 69 | 27 | +42 | 70 |
| 2 | Arsenal | 28 | 15 | 10 | 3 | 52 | 24 | +28 | 55 |
| 3 | Nott. Forest | 29 | 16 | 6 | 7 | 49 | 35 | +14 | 54 |
| 4 | Chelsea | 28 | 14 | 7 | 7 | 53 | 36 | +17 | 49 |
| 5 | Man City | 29 | 14 | 6 | 9 | 55 | 40 | +15 | 48 |
| 6 | Newcastle | 28 | 14 | 5 | 9 | 47 | 38 | +9 | 47 |
| 7 | Brighton | 29 | 12 | 11 | 6 | 48 | 42 | +6 | 47 |
| 8 | Aston Villa | 29 | 12 | 9 | 8 | 41 | 45 | -4 | 45 |
| 9 | Bournemouth | 29 | 12 | 8 | 9 | 48 | 36 | +12 | 44 |
| 10 | Fulham | 28 | 11 | 9 | 8 | 41 | 38 | +3 | 42 |
| 11 | Brentford | 29 | 12 | 5 | 12 | 50 | 45 | +5 | 41 |
| 12 | Crystal Palace | 28 | 10 | 9 | 9 | 36 | 33 | +3 | 39 |
| 13 | Tottenham | 28 | 10 | 4 | 14 | 55 | 41 | +14 | 34 |
| 14 | Everton | 29 | 7 | 13 | 9 | 32 | 36 | -4 | 34 |
| 15 | Man Utd | 28 | 9 | 7 | 12 | 34 | 40 | -6 | 34 |
| 16 | West Ham | 29 | 9 | 7 | 13 | 33 | 49 | -16 | 34 |
| 17 | Wolves | 29 | 7 | 5 | 17 | 40 | 58 | -18 | 26 |
| 18 | Ipswich Town | 29 | 3 | 8 | 18 | 28 | 62 | -34 | 17 |
| 19 | Leicester | 28 | 4 | 5 | 19 | 25 | 62 | -37 | 17 |
| 20 | Southampton | 29 | 2 | 3 | 24 | 21 | 70 | -49 | 9 |
