Þýska fallbaráttuliðið Schalke er búið að reka Frank Kramer úr þjálfarastólnum eftir rétt rúmlega fjóra mánuði í starfi.
Kramer tók við Schalke í sumar en hann hafði áður stýrt Arminia Bielefeld, Greuther Fürth og Fortuna Düsseldorf og var rekinn úr öllum þeim störfum eftir slæm úrslit.
Kramer þykir þó afar efnilegur þjálfari og var yfir unglingaakademíunni hjá RB Salzburg tímabilið 2019-20 eftir að hafa þjálfað U18, U19 og U20 ára landslið Þjóðverja árin þar á undan.
Schalke er búið að tapa fimm keppnisleikjum í röð og er í næstneðsta sæti þýsku deildarinnar með 6 stig eftir 10 umferðir.
Der #S04 stellt Chef-Trainer Frank Kramer mit sofortiger Wirkung frei.
— FC Schalke 04 (@s04) October 19, 2022
Wir bedanken uns bei ihm für seine professionelle und engagierte Arbeit. Für seine private wie auch berufliche Zukunft wünschen wir ihm alles Gute.
Zur Pressemitteilung ⬇️