Jon Dahl Tomasson, sem á ættir að rekja til Íslands, er með sína menn í Blackburn á toppi deildarinnar eftir leikina sem fóru fram í gærkvöldi.

Blackburn vann í gær góðan 2-0 sigur á Sunderland á heimavelli og er sem stendur með 27 stig eftir 16 leiki. Liðið hefur leikið fleiri leiki en liðin í sætunum fyrir neðan.

Championship-deildin er ótrúleg og er hún mjög jöfn. Það er gífurlega skrítið að sjá það núna að liðið sem er á toppnum er búið að tapa fleiri leikjum en liðið sem er á botninum.

Coventry er á botninum með tíu stig, en liðið er bara búið að spila ellefu leiki. Coventry hefur tapað fimm leikjum á meðan Blackburn hefur tapað sjö.