Stórleikur umferðarinnar í ensku úrvalsdeildinni fer fram klukkan 16:30 en þá mætast Chelsea og Manchester United á Stamford Bridge.
Þegar liðin mættust á síðustu leiktíð enduðu báðir leikirnir með 1-1 jafntefli en bæði lið hafa verið að spila vel að undanförnu og safna inn stigunum.
Chelsea hefur gengið vel undir stjórn Graham Potter en liðið missteig sig þó í miðri viku gegn Brentford en þeim leik lauk með markalausu jafntefli.
Á sama tíma átti Man Utd frábæra frammistöðu gegn Tottenham Hotspur og vann liðið þann leik með tveimur mörkum gegn engu.
Fyrir leikinn í dag munar einungis einu stigi á liðunum og því má búast við mjög áhugaverðum leik eftir tæpa klukkustund.
Graham Potter, stjóri Chelsea, gerir fjórar breytingar á sínu liði. Ben Chilwell, Thiago Silva, Raheem Sterling og Pierre-Emile Aubameyang koma inn í liðið og út fara Conor Gallagher, Kalidou Koulibaly, Kai Havertz og Armando Broja.
Erik ten Hag, stjóri Man Utd, gerir eina breytingu á sínu liði. Christian Eriksen er klár í slaginn og hann fer í liðið á kostnað Fred.
Chelsea: Kepa, Azpilicueta, Chalobah, Silva, Cucurella, Chilwell, Jorginho, Loftus-Cheek, Mount, Sterling, Aubameyang.
(Varamenn: Mendy, Kovacic, Broja, Pulisic, Zakaria, Ziyech, Chukwuemeka, Havertz, Gallagher)
Man Utd: De Gea, Dalot, Varane, Martinez, Shaw, Casemiro, Eriksen, Antony, Fernandes, Sancho, Rashford.
(Varamenn: Heaton, Lindelof, Pellistri, Elanga, McTominay, Garnacho, Fred, Iqbal, Malacia)
