Arsenal mætir Sporting í Meistaradeildinni á morgun en Mikel Arteta greindi frá því að allir í hópnum eru klárir í slaginn.
Declan Rice tók ekki þátt í sigri liðsins gegn Nottingham Forest um helgina en Arteta staðfesti að hann sé tilbúinn fyrir leikinn á morgun.
Þá má búast við því að Kieran Tierney komi við sögu en hann hefur ekkert getað spilað á þessari leiktíð vegna meiðsla en hann var á láni hjá Real Sociedad á síðustu leiktíð.
„Allir sem eru í hópnum eru klárir til að byrja leikinn. Við erum með Kieran Tierney eftir löng meiðsli. Það eru frábærar fréttir að hann sé kominn aftur, hann hefur æft með okkur og er klár í að taka þátt," sagði Arteta.
Athugasemdir
