Schick gerði sér lítið fyrir og skoraði þrennu er Þýskalandsmeistarar Bayer Leverkusen unnu 5-0 sigur á Heidenheim.

Heidenheim komst óvænt í 2-0 forystu á tuttugu mínútum en Leverkusen tókst að jafna fyrir hálfleik. Exequiel Palacios og Schick gerðu mörkin.

Schick kom Leverkusen yfir á 52. mínútu og fullkomnaði síðan þrennu sína tuttugu mínútum fyrir leikslok. Granit Xhaka rak síðasta naglann í kistu Heidenheim þegar átta mínútur voru eftir af venjulegum leiktíma.

Leverkusen er í 4. sæti, níu stigum frá toppliði Bayern.

Liðsfélagi Schick í tékkneska landsliðinu, Adam Hlozek, gerði sínu gamla félagi Leverkusen greiða með því að skora tvö mörk í mögnuðum 4-3 sigri Hoffenheim á RB Leipzig.

Borussia Dortmund vann 4-0 sigur á Freiburg. Max Beier og Felix Nmecha komu heimamönnum í tveggja marka forystu í fyrri hálfleik.

Patrick Osterhage, leikmaður Freiburg, sá rautt á 63. mínútu og þremur mínútum síðar skoraði Julian Brandt þriðja markið. Jamie Gittens gerði út um leikinn á 77. mínútu leiksins.

Sóknarmaðurinn Junior Adamu sá rautt í liði Freiburg undir lok leiks og kláruðu því gestirnir leikinn með níu leikmenn á vellinum.

Bandaríski-íslenski leikmaðurinn Cole Campbell sat allan tímann á varamannabekknum hjá Dortmund í dag.

Dortmund er í 5. sæti með 19 stig.

Bayer 5 - 2 Heidenheim
0-1 Niklas Dorsch ('10 )
0-2 Mathias Honsak ('21 )
1-2 Exequiel Palacios ('30 )
2-2 Patrik Schick ('32 )
3-2 Patrik Schick ('52 )
4-2 Patrik Schick ('71 )
5-2 Granit Xhaka ('82 )

Stuttgart 2 - 0 Bochum
1-0 Chris Fuhrich ('53 )
2-0 Justin Diehl ('78 )

Borussia D. 4 - 0 Freiburg
1-0 Maximilian Beier ('7 )
2-0 Felix Nmecha ('40 )
3-0 Julian Brandt ('66 )
4-0 Jamie Gittens ('77 )
Rautt spjald: ,Patrick Osterhage, Freiburg ('63)Junior Adamu, Freiburg ('90)

Hoffenheim 4 - 3 RB Leipzig
0-1 Willi Orban ('15 )
1-1 Adam Hlozek ('17 )
1-2 Antonio Nusa ('19 )
2-2 Tom Bischof ('50 )
2-3 Stanley Nsoki ('67 , sjálfsmark)
3-3 Adam Hlozek ('82 )
4-3 Jacob Bruun Larsen ('87 )

Wolfsburg 1 - 0 Union Berlin
1-0 Ridle Baku ('71 )