Sveindís Jane átti frábæra innkomu af bekknum
Landsliðskonurnar voru að gera það gott í Evrópuboltanum í dag en Sveindís Jane Jónsdóttir skoraði tvö er Wolfsburg komst áfram í bikarnum og þá hélt Cecilía Rán Rúnarsdóttir hreinu í sigri Inter.
Sveindís Jane kom inn af tréverkinu á 73. mínútu og nýtti síðustu tuttugu mínúturnar vel.
Staðan var 1-0 fyrir Mainz en Wolfsburg jafnaði áður en Sveindís kom liðinu í forystu.
Fenna Kalma gerði þriðja markið áður en Sveindís gerði út um leikinn með öðru marki sínu seint í uppbótartíma. Lokatölur 4-1 fyrir Wolfsburg gegn Mainz.
Með sigrinum er Wolfsburg komið áfram í 8-liða úrslit bikarsins.
Cecilía Rán Rúnarsdóttir hélt þá hreinu þriðja deildarleikinn í röð er Inter lagði Napoli að velli, 1-0, í Seríu A á Ítalíu.
Inter hefur verið að spila frábærlega í byrjun leiktíðar og er nú með 24 stig í öðru sæti deildarinnar.
Emilía Kiær Ásgeirsdóttir spilaði allan leikinn er Nordsjælland tapaði fyrir AGF, 2-1, í dönsku úrvalsdeildinni og þá byrjuðu landsliðskonurnar Hafrún Rakel Halldórsdóttir og Ingibjörg Sigurðardóttir í 2-0 sigri Bröndby á Kolding.
Nordsjælland er í öðru sæti með 30 stig en Bröndby í 3. sæti með 27 stig.
Athugasemdir
