Roy Keane
Írski sparkspekingurinn Roy Keane bauð stuðningsmanni Ipswich Town að hitta sig á bílastæði fyrir utan Portman Road eftir að þeir tveir rifust eftir leik Ipswich gegn Manchester United í gær.
Keane var í settinu hjá Sky á leiknum og var að ræða málin er stuðningsmaðurinn truflaði hann og kollega hans.
Fyrrum fótboltamaðurinn gekk upp að stuðningsmanninum til að ræða málin og bauð honum að hitta sig fyrir utan völlinn.
„Ég bíð eftir þér á bílastæðinu og þar getum við rætt málin,“ sagði Keane við stuðningsmanninn.
Ekki er ljóst hvort það hafi orðið að þessum fundi hjá þeim félögunum en Keane er orðinn nokkuð vanur þessu.
Stuðningsmaður Arsenal skallaði Keane í september á síðasta ári er Írinn var að vinna sem spekingur á leiknum. Stuðningsmaðurinn var dæmdur í þriggja ára bann frá fótboltaleikvöngum Englands og þarf að sinna 80 klukkustunda samfélagsþjónustu.
Roy Keane’s just offered an Ipswich fan out in the car park????????????
— The 44 ?? (@The_Forty_Four) November 24, 2024
“I’ll wait for you in the car park and we can discuss it!”???? pic.twitter.com/gJsEQkU1Ow
Athugasemdir
