Englandsmeistarar Manchester City eru í lægð og rúmlega það en liðið fékk útreið gegn Tottenham Hotspur á Etihad-leikvanginum og um leið hakaði við fimmta tapið í röð á tímabilinu.
Leiknum lauk með 4-0 sigri Tottenham sem var stærsta tap Man City á heimavelli undir stjórn Pep Guardiola.
Um leið leik 52 leikja taplausri hrinu liðsins á Etihad en liðið hafði ekki tapað 90 mínútna leik á vellinum í tvö ár.
Þá hefur komið fram að þessi taphrina Man City sé sú stærsta á þjálfaraferli Guardiola en þetta er líka stærsta taphrina félagsins í átján ár.
Man City tapaði sex leikjum í röð frá mars og fram í apríl árið 2006 og þá gerðist það einnig tímabilið 2000-2001 en þá féll einmitt liðið niður í ensku B-deildina.
Lærisveinar Guardiola fá tækifæri til þess að komast yfir þessa brekku í miðri viku er liðið mætir Feyenoord í Meistaradeildinni, en sá leikur fer fram á Etihad.
Athugasemdir
