Helgi Fróði Ingason og félagar í Helmond unnu kærkominn sigur í næst efstu deild í Hollandi í dag.
Helgi Fróði skoraði sitt fyrsta mark fyrir félagið í síðustu umferð í 4-3 tapi gegn Eindhoven FC en það var fjórða tap liðsins í röð.
Liðið komst aftur á sigurbraut í kvöld þegar liðið vann Den Haag 2-1 en Helgi spilaði 69 mínútur.
Helmond er í 4. sæti með 30 stig eftir sextán umferðir.
Elías Rafn Ólafsson var á sínum stað í markinu þegar Midtjylland vann Silkeborg 1-0 í dönsku deildinni. Liðið hafði tapað tveimur leikjum í röð í deildinni og fjórum leikjum samtals í öllum keppnum fyrir leikinn í kvöld.
Liðið er þó í 2. sæti með 30 stig, jafn mörg stig og topplið FCK eftir 15 umferðir.
Athugasemdir
