Harry Kane er á sínu öðru tímabili með Bayern en hann hefur farið á kostum. Hann skoraði þrennu í sigri á Augsburg um helgina og hefur skorað 50 mörk í þýsku deildinni.
Hann bætti þar með met Erling Haaland. Það tók Kane 43 leiki að skora 50 mörk en Haaland skoraði 50 mörk í 50 leikjum í þýsku deildinni frá 2020-2022.
Bayern spilar sinn síðasta leik á árinu þann 20. desember en svo tekur við vetrarfrí. Kane er mjög hrifinn af því fyrirkomulagi.
„Mín fyrstu kynni af löngu vetrarfríi var í fyrra. Það hjálpaði mér að endurheimta á erfiðum tíma. Það er synd að þetta frí sé ekki í úrvalsdeildinni. Það er mjög mikilvægt að komast í burtu og hlaða batteríin, jafnvel þótt það sé bara um vika," sagði Kane.
Athugasemdir
