Jose Mourinho þverneitar fyrir það að hafa reynt að sannfæra Cristiano Ronaldo til að semja við Fenerbahce.
The Sun greindi frá því að Mourinho hafi hringt í Ronaldo en Mourinho hefur blásið á þessar sögusagnir.
„Fréttirnar um Cristiano Ronaldo til Fenerbahce eru fáránlegar. Cristiano gæti komið til Istanbul til að borða því það er á milli Sádí Arabíu og Portúgal. Kannski kemur hann til að hitta gamla vininn sinn Jose, við getum borðað saman á hótelinu mínu," sagði Mourinho.
Ronaldo er á risasamningi hjá Al Nassr í Sádí Arabíu en hann rennur út næsta sumar. Ronaldo og Mourinho unnu saman hjá Real Madrid á sínum tíma.
Athugasemdir
