Napoli þurfti á þremur stigum að halda til að endurheimta toppsætið og tókst það nokkuð auðveldlega þó sigurinn hafi verið naumur.

Liðið var með yfirburði á vellinum og fékk mörg góð færi í fyrri hálfleiknum til að taka forystuna en nýtti ekki. Snemma í síðari hálfleiknum tókst Lukaku að skora eina mark leiksins.

Giovanni Di Lorenzo fékk háa sendingu, sem hann tók á móti með bringunni áður en hann keyrði inn í teiginn. Sendingin kom beint fyrir markið og náði Lukaku að teygja sig í boltann og koma honum í netið.

Lukaku hefur nú skorað fimm mörk og gefið fjórar stoðsendingar í ellefu leikjum sínum með Napoli í deildinni.

Roma fékk eitt frábært færi til að jafna metin er Artem Dovbyk stangaði aukaspyrnu Angelino í þverslá. Það var eina færið sem hæfði markið hjá Napoli.

1-0 sigur Napoli staðreynd og liðið nú með 29 stig á toppnum á meðan Roma er í 12. sæti með 13 stig.

Lazio vann tíu leikmenn Bologna 3-0. Tommaso Pobega fékk tvö gul spjöld í liði Bologna á tólf mínútum í fyrri hálfleik og átti það eftir að reynast dýrkeypt fyrir gestina.

Samuel Gigot og Mattia Zaccagni skoruðu tvö mörk á fjórum mínútum í síðari hálfleik áður en Fisayo Dele-Bashiru gulltryggði sigurinn með marki í uppbótartíma.

Lazio er í 5. sæti með 28 stig, einu stigi frá toppnum, en Bologna í 8. sæti með 18 stig.

Lazio 3 - 0 Bologna
1-0 Samuel Gigot ('68 )
2-0 Mattia Zaccagni ('72 )
3-0 Fisayo Dele-Bashiru ('90 )
Rautt spjald: Tommaso Pobega, Bologna ('35)

Napoli 1 - 0 Roma
1-0 Romelu Lukaku ('54 )