Lucas Vazquez
Lucas Vazquez, hægri bakvörður Real Madrid, er skráður í leikmannahóp liðsins sem mætir Liverpool á Anfield á morgun.
Þessi 33 ára gamli bakvörður meiddist þann 9. nóvember og var gert ráð fyrir því að hann yrði frá í að minnsta kosti mánuð.
Miðjumaðurinn Federico Valverde spilaði bakvarðarstöðuna í sigri liðsins á Leganes um helgina þar sem Dani Carvajal er einnig á meiðslalistanum.
Real Madrid er að berjast við mikið af meiðslum en það varð ljóst í gær að Vinicius Junior verði frá í nokkrar vikur. Þá eru leikmenn á borð við Eder Militao, Rodrygo og Aurelien Tchouameni meiddir.
Athugasemdir
