8-liða úrslit enska bikarsins fara fram um helgina þar sem tveir leikir eru á dagskrá á morgun og tveir á sunnudag.
Það eru tveir úrvalsdeildarslagir á morgun þar sem Fulham tekur á móti Crystal Palace í Lundúnaslag í hádeginu, áður en Brighton fær Nottingham Forest í heimsókn.
Á morgun mæta Stefán Teitur Þórðarson og félagar í liði Preston North End til leiks. Þeir eru eina liðið sem er eftir í keppninni sem leikur ekki í ensku úrvalsdeildinni og fá heimaleik gegn Aston Villa.
Stefán Teitur er mikilvægur hlekkur á miðjunni hjá Preston. Hann skoraði sigurmarkið í síðasta leik fyrir landsleikjahlé og lagði upp í 1-1 jafntefli í leiknum þar á undan.
Að lokum eigast Bournemouth og Manchester City við í stórleik helgarinnar, þar sem tvö afar spennandi fótboltalið kljást.
Laugardagur
12:15 Fulham - Crystal Palace
17:15 Brighton - Nott. Forest
Sunnudagur
12:30 Preston - Aston Villa
15:30 Bournemouth - Man City
Athugasemdir
