Miðjumaðurinn öflugi Declan Rice var í byrjunarliði Arsenal sem lagði Ipswich Town að velli í vikunni og var hann kátur eftir sigurinn.
Hann segist vera spenntur fyrir nýju ári með Arsenal og er hans helsta ósk að félaginu takist að vinna einhverja titla.
„Það er alltaf erfitt að brjóta niður skipulagt lið sem spilar með 5 varnarmenn og 4 miðjumenn. Við hefðum viljað skora meira en erum mjög ánægðir með sigurinn og stigin sem fylgja," sagði Rice við Amazon Prime eftir lokaflautið og var svo spurður út í fjarveru Bukayo Saka sem er meiddur næstu tvo mánuði.
„Það var öðruvísi að spila án hans, það er klárt mál að við þurfum að aðlagast því. Hann er ótrúlega hæfileikaríkur fótboltamaður og svo mikilvægur partur af leikstílnum okkar, núna þurfum við að sigra erfiða leiki án hans.
„Þetta hefur verið gott ár fyrir okkur, við erum búnir að spila vel og gera flotta hluti, en það er ekki nóg. Þetta er ekki það sem við viljum. Við viljum vinna titla. Það þýðir lítið að vinna fótboltaleiki ef þú vinnur engan titil. Vonandi koma titlarnir með nýju ári."
Arsenal vann síðast stóran titil tímabilið 2019-20 þegar liðið hampaði FA bikarnum.
„Titilbaráttan er mjög erfið í ár, Liverpool er að gera frábæra hluti og við þurfum hjálp frá öðrum liðum ef við ætlum að ná þeim. Þeir hafa verið ótrúlega góðir og Chelsea líka. Þetta verður erfið titilbarátta í úrvalsdeildinni en við eigum skilið að sigra eftir langa bið. Arsenal á skilið að sigra!"
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Liverpool | 18 | 14 | 3 | 1 | 45 | 17 | +28 | 45 |
| 2 | Nott. Forest | 19 | 11 | 4 | 4 | 26 | 19 | +7 | 37 |
| 3 | Arsenal | 18 | 10 | 6 | 2 | 35 | 16 | +19 | 36 |
| 4 | Chelsea | 19 | 10 | 5 | 4 | 38 | 23 | +15 | 35 |
| 5 | Newcastle | 19 | 9 | 5 | 5 | 32 | 21 | +11 | 32 |
| 6 | Man City | 19 | 9 | 4 | 6 | 32 | 26 | +6 | 31 |
| 7 | Bournemouth | 19 | 8 | 6 | 5 | 29 | 23 | +6 | 30 |
| 8 | Fulham | 19 | 7 | 8 | 4 | 28 | 25 | +3 | 29 |
| 9 | Aston Villa | 19 | 8 | 5 | 6 | 28 | 31 | -3 | 29 |
| 10 | Brighton | 19 | 6 | 9 | 4 | 29 | 28 | +1 | 27 |
| 11 | Tottenham | 19 | 7 | 3 | 9 | 41 | 28 | +13 | 24 |
| 12 | Brentford | 18 | 7 | 3 | 8 | 32 | 32 | 0 | 24 |
| 13 | West Ham | 19 | 6 | 5 | 8 | 23 | 35 | -12 | 23 |
| 14 | Man Utd | 19 | 6 | 4 | 9 | 21 | 26 | -5 | 22 |
| 15 | Crystal Palace | 19 | 4 | 8 | 7 | 20 | 27 | -7 | 20 |
| 16 | Everton | 18 | 3 | 8 | 7 | 15 | 24 | -9 | 17 |
| 17 | Wolves | 19 | 4 | 4 | 11 | 31 | 42 | -11 | 16 |
| 18 | Ipswich Town | 19 | 3 | 6 | 10 | 18 | 33 | -15 | 15 |
| 19 | Leicester | 19 | 3 | 5 | 11 | 22 | 42 | -20 | 14 |
| 20 | Southampton | 19 | 1 | 3 | 15 | 12 | 39 | -27 | 6 |
Athugasemdir
