Julen Lopetegui hefur verið undir mikilli pressu á þessu tímabili og ekki skánar það eftir 5-0 tap á heimavelli gegn Liverpool í kvöld.
West Ham átti ekki mikla möguleika í leiknum en Lopetegui bað stuðningsmenn liðsins afsökunar á frammistöðunni.
West Ham átti ekki mikla möguleika í leiknum en Lopetegui bað stuðningsmenn liðsins afsökunar á frammistöðunni.
„Við erum mjög leiðir fyrir hönd stuðningsmanna okkar út af því hvernig við töpuðum. Við erum að tala um besta lið úrvalsdeildarinnar og í heimi en á heimavelli, fyrir framan okkar stuðningsmenn, mér þykir þetta mjög leitt," sagði Lopetegui.
„Við fengum eitt tækifæri í byrjun eftir þeirra fyrsta færi og svo gátum við jafnað þegar Mo Kudus komst í færi en þeir áttu þetta skilið. Leikurinn var búinn í hálfleik, þetta er erfiður dagur fyrir okkur."
Athugasemdir
