Umboðsmaður spænska sóknartengiliðsins Dani Olmo hefur staðfest að leikmaðurinn verði áfram hjá Barcelona.
Barcelona hefur átt í erfiðleikum með að skrá Olmo í hópinn fyrir síðari hluta tímabilsins vegna fjárhagsvandræða.
Félagið tók ákvörðun um að selja sérstök VIP-sæti á Nou Camp til þess að safna pening til að skrá bæði Olmo og Pau Victor.
Dómstóll á Spáni hefur hafnað beiðni Börsunga um að skrá leikmennina í tvígang en ef það tekst ekki að skrá leikmennina getur Olmo farið á frjálsri sölu.
Andy Bara, umboðsmaður Olmo, blæs á sögusagnir um að hann sé á förum.
„Dani hefur tekið ákvörðun um að vera áfram hjá Barcelona því hann vill spila fyrir félagið. Við erum ekki að íhuga aðra möguleika í stöðunni. Hann vill bara spila fyrir Barcelona,“ sagði Bara við GiveMeSport.
Athugasemdir
