Manchester City hefur gefið út yfirlýsingu eftir að í ljós kom að hinn ungi Rico Lewis varð fyrir kynþáttafordómum í leiknum gegn Sevilla í Meistaradeildinni í gær.
Lewis er aðeins sautján ára gamall en hann skoraði fyrsta mark City í 3-1 sigri liðsins í gær.
Félagið greinir frá því að tveir hafi verið handteknir í tengslum við málið.
„Við sættum okkur ekki við ismunun að neinu tagi á vellinum okkar. Við munum styðja Rico eftir þessa viðbjóðslegu uppákomu," segir í yfirlýsingu félagsins.
City mun aðstoða yfirvöld og Sevilla að rannsaka málið enn frekar.
Athugasemdir