Enska knattspyrnusambandið hefur áfrýjað dómnum sem Jurgen Klopp fékk fyrir að veitast að öðrum aðstoðardómaranum í leik Liverpool gegn Manchester City í síðasta mánuði.
Margir bjuggust við að hann myndi fá bann en sjálfstæð eftirlitsnefnd dæmdi hann til að greiða 30 þúsund pund og hann fór ekki í bann.
„Enska knattspyrnusambandið getur staðfest að það hefur áfrýjað dómi eftirlitsnefndar sem kemur að máli Jurgen Klopp eftir að hafa skoðað skýrslur," segir í yfirlýsingu sambandsins.
Hingað til hefur hann getað stýrt Liverpool liðinu á hliðarlínunni en það er spurning hvort það muni breytast og hann fari í bann.
Athugasemdir