fös 04. nóvember 2022 18:00
Jóhann Þór Hólmgrímsson
Kvaratskhelia missir af stórleiknum um helgina
Mynd: EPA

Atalanta fær Napoli í heimsókn í stórleik helgarinnar á Ítalíu en leikurinn fer fram á morgun. Um er að ræða toppslag þar sem Napoli er með fimm stiga forskot á Atalanta.


Það eru skörð hoggin í lið Napoli þar sem Khvicha Kvaratskhelia ferðaðist ekki með liðinu vegna bakmeiðsla.

Þetta verður aðeins annar leikurinn sem hann missir af á tímabilinu en sá fyrsti vegna meiðsla.

Þessi 21 árs gamli Georgíumaður gekk til liðs við félagið frá Dinamo Batumi í heimalandinu í sumar en hann fór þangað frá Rubin Kazan eftir innrás Rússlands til Úkraínu.

Hann hefur skorað átta mörk og er með tíu stoðsendingar í 17 leikjum í deild og Meistaradeild á tímabilinu.


Athugasemdir
banner
banner