Jamal Lascelles fyrirliði Newcastle má fara frá félaginu í janúar en þessi 28 ára gamli miðvörður hefur ekki verið í stóru hlutverki á þessari leiktíð.
Hann hefur aðeins leikið fimm leiki og þar af verið tvisvar í byrjunarliðinu. Dan Burn og Fabian Schar hafa spilað mest í miðverði hjá félaginu á þessari leiktíð.
Hann er ekki í framtíðarplönum Eddie Howe og samkvæmt heimildum Football Insider má hann yfirgefa félagið í janúar.
Hann hefur leikið með Newcastle frá 2014 en Rafa Benitez þáverandi stjóri liðsins gerði hann að fyrirliða árið 2016.
Athugasemdir
