Sverrir Ingi Ingason var á skotskónum í dag fyrir PAOK í grísku deildinni þegar liðið tók á móti Giannina.
Hann skoraði fyrra markið í 2-0 sigri liðsins á 8. mínútu en það síðara kom aðeins tveimur mínútum síðar. Þetta var fyrsta mark hans á tímabilinu.
PAOK er í 5. sæti með 19 stig eftir 11 leiki en efstu sex liðin fara í úrslitakeppni.
Guðmundur Þórarinsson kom inn á sem varamaður í liði Crete í 2-0 tapi liðsins gegn Ionikos. Crete er í næst neðsta sæti deildarinnar með 7 stig. Þá kom Viðar Örn Kjartansson við sögu í markalausu jafntefli Atromitos gegn Aris en Samúel Friðjónsson sat allan tímann á bekknum.
Artomitos er í 8. sæti með 12 stig.
Goal! Ingason strikes! #PAOKPAS 1 - 0 #slgr pic.twitter.com/UFr6qDV3Ti
— PAOK FC (@PAOK_FC) November 5, 2022
Athugasemdir