Wolves tilkynnti í dag að félagið hafi ráðið Julen Lopetegui sem næsta stjóra liðsins. Hann mun þó ekki stýra liðinu fyrr en eftir HM í Katar.
Steve Davis hefur stýrt liðinu síðan Bruno Lage var rekinn en hann segir að Lopetegui verði á Molineux um næstu helgi þar sem hann verður kynntur fyrir stuðningsmönnum liðsins þegar Wolves fær Arsenal í heimsókn.
Davis segir að Lopetegui þurfi að laga sóknarleik liðsins.
„Ég ég væri í hans sporum myndi ég bæta gæðin í sóknarleiknum. Það eru gæði í liðinu og það er sjálfstraust og baráttuandi. Félagið þarf bara einhvern sem mun blómstra í kerfinu hans," sagði Davis.
Athugasemdir
