Olivier Giroud var hetja AC Milan þegar liðið lagði Spezia í ítölsku deildinni í kvöld.
Hann skoraði sigurmarkið í 2-1 sigri á síðustu mínútu venjulegs leiktíma. Markið var stórglæsilegt en hann fékk sendingu fyrir og negldi boltanum í netið með fyrstu snertingu á lofti.
Stefano Pioli stjóri AC Milan var ánægður með þetta mark.
„Frábær sending frá Tonali og enn betra mark hjá Giroud. Þetta minnti mig á Francesco Totti sem hann skoraði með Roma gegn Lazio þegar ég var hjá Lazio. Við vorum 2-0 yfir og það endaði 2-2, það kom fyrst upp í hugann," sagði Pioli.
Giroud has the BEST catalogue of goals. This was an 89th minute winner. SPECTACULAR FINISH🤩 @_OlivierGiroud_ pic.twitter.com/MHFRth4ZXk
— Dubois (@CFCDUBois) November 5, 2022
Athugasemdir