Rangers bætti met sem enginn vill bæta en liðið var með slakasta árangur í sögu riðlakeppni Meistaradeildarinnar í ár. Liðið var með 0 stig og markatöluna 2-22.
Þrátt fyrir þennan árangur hefði Giovani van Bronckhorst stjóri liðsins ekki viljað frekar ná lengra í Evrópudeildinni.
„Þegar þú getur komist í Meistaradeildina viltu að leikmennirnir nái því og við gerðum það. Það var stórt afrek en leiðin þangað var ekki auðveld. Okkur dreymdi um að spila í Meistaradeildinni, þetta er ekki Evrópudeildin, þegar þú nærð árangri verða væntingarnar alltaf þær sömu. Ég hefði ekki viljað breyta neinu sem gerðist, þetta fer í reynslubankann," sagði Van Bronckhorst.
Rangers fór alla leið í úrslitaleikinn í Evrópudeildinni á síðustu leiktíð en liðið tapaði þar gegn Frankfurt.