Virgil van Dijk, leikmaður Liverpool og hollenska landsliðsins, var spurður út í það hvaða leikmann hann hefði elskað að hafa í sínu liði.
Liverpool og Manchester City hafa barist hart um Englandsmeistaratitilinn síðustu ár en mikil viðring ríkir á milli þessara tveggja liða.
Van Dijk og Kevin De Bruyne, leikmaður Manchester City, eru góðir félagar en þeir sáust skemmta sér saman í sumarfríinu fyrr á þessu ári.
„Kevin De Bruyne, hann er ótrúlegur. Ég held ef hann væri í Liverpool, þá væri félagið komið enn lengra en það er nú þegar. Hann skarar fram úr," sagði van Dijk þegar hann valdi De Bruyne.
Belginn hefur verið einn besti leikmaður í ótrúlegu Manchester City liði undanfarin ár en hann skoraði stórglæsilegt mark úr aukaspyrnu gegn Leicester City í síðustu umferð og tryggði Englandsmeisturunum stigin þrjú.
