Lars á æfingasvæðinu í dag.
„Ferðin hingað var frábær og kveðjurnar frá Icelandair voru mjög góðar. Ferðalagið hingað var fullkomið og allt gekk 100% upp í gær," sagði Lars Lagerback, landsliðsþjálfari, í samtali við Fótbolta.net í dag.
Íslenska liðið mætti í dag á sína fyrstu æfingu í Annecy og Lars er ánægður með aðstæðurnar hjá liðinu.
Íslenska liðið mætti í dag á sína fyrstu æfingu í Annecy og Lars er ánægður með aðstæðurnar hjá liðinu.
Lars er ánægður með æfingavöllinn en ákveðið var að leggja nýtt gras á hann í vor þar sem gamla grasið þótti ekki nógu gott.
„Það er búið að endurleggja grasið á völlinn, það var byrjað á því í lok apríl. Mér finnst þeir hafa unnið gott starf á stuttum tíma. Völlurinn lítur vel út núna," sagði Lars en völlurinn var blautur í dag eftir rigningu.
„Við sjáum hvað gerist ef það rignir mikið en þá er búið að lofa okkur að annar völlur verði klár. Þetta lítur vel út. Ég kann við umhverfið og hótelið er gott,"
Æfingin í dag verður róleg en frá og með morgundeginum hefst alvöru undirbúningur fyrir leikinn gegn Portúgal á þriðjudag.
„Í dag verður létt æfing og strákarnir spiluðu sem 90 mínútur ráða hvað þeir gera. Ég reikna með að þeir hætti eftir fyrri hluta æfingarinnar. Frá og með morgundeginum einbeitum við okkur að því hvernig við ætlum að spila gegn Portúgal, sóknar og varnarlega."
Lars er ánægður með stöðuna á íslenska hópnum í dag.
„Það var gott að sjá Kolbein spila 80 mínútur. Í síðustu viku var Birkir smá meiddur og Kári með flensu en það eru allir klárir núna. Frá og með deginum í dag ætti enginn að vera í vandræðum með að æfa," sagði Lars.
Hér að ofan má sjá viðtalið í heild sinni.
Athugasemdir
