Steini Halldórs
Þorsteinn Halldórsson, þjálfari kvennalandsliðsins, ræddi við RÚV rétt í þessu og ræddi um byrjunarliðið í leiknum gegn Portúgal.
Ein breyting er á liðinu frá síðasta leik, Selma Sól Magnúsdóttir kemur inn fyrir Svövu Rós Guðmundsdóttur.
Ein breyting er á liðinu frá síðasta leik, Selma Sól Magnúsdóttir kemur inn fyrir Svövu Rós Guðmundsdóttur.
Lestu um leikinn: Portúgal 4 - 1 Ísland
Steini segir að það verði einnig breyting á uppstillingunni, hann verði með þær Gunnhildi Yrsu Jónsdóttur og Söru Björk Gunnarsdóttur djúpa á miðju og Dagnýju Brynjarsdóttur fyrir framan.
„Selma er búin að vera góð, staðið sig virkilega vel hjá okkur og mér finnst hún vera að komast á þann stað sem hún var á áður en hún meiðist." Selma sleit krossband haustið 2019 og missti út allt tímabilið 2020.
„Pælingin er hvernig við getum spilað út úr pressunni hjá þeim. Pælingin með að hafa Dagnýju framar er að hún sé alltaf inn í boxinu, markmaðurinn er oft shaky (óörugg), fer mikið út í teiginn og að Dagný geti jafnvel verið að vinna hana í fyrirgjöfum og svoleiðis. Það er ákveðin pæling í kringum það líka," sagði Steini.
Athugasemdir
