Leikmenn Club Brugge fagna með Simon Mignolet eftir leikinn gegn Atlético
Simon Mignolet, markvörður Club Brugge, var í essinu sínu í markalausu jafntefli liðsins við Atlético Madríd í Meistaradeild Evrópu í kvöld en hann á stóran þátt í því að liðið sé komið í fyrsta sinn í sögu félagsins í 16-liða úrslit.
Mignolet, sem er 34 ára gamall, spilaði níu tímabil á Englandi, þar af þrjú með Sunderland og síðan sex fyrir Liverpool.
Stuðningsmenn Liverpool muna vel eftir veru hans hjá félaginu en slöku leikirnir voru ansi margir og missti hann á endanum byrjunarliðssæti sitt. Jürgen Klopp tilkynnti að hann yrði ekki lengur aðalmarkvörður og síðan var Alisson Becker keyptur frá Roma.
Hann átti vissulega flotta leiki inn á milli en frammistaðan sem hann hefur verið að bjóða upp á í Meistaradeildinni á þessari leiktíð hefur verið mögnuð.
Mignolet hefur haldið hreinu í öllum fjórum leikjum Club Brugge í riðlakeppninni og þá varði hann 14 skot gegn Atlético Madríd í markalausa jafnteflinu í kvöld og hjálpaði liðinu að komast í 16-liða úrslit í fyrsta sinn í sögu félagsins. Þetta eru flestar markvörslur sem markvörður tekur í leik án þess að tapa leiknum.
Belgíski markvörðurinn virðist eldast eins og gott rauðvín.
14 - Simon Mignolet has made 14 saves without conceding against Atlético Madrid in the UEFA Champions League this season, the most saves on record against an opponent without being beaten in a single season in the competition (2003-04 onwards). Gandalf. pic.twitter.com/55iP3FFJym
— OptaJoe (@OptaJoe) October 12, 2022
Athugasemdir
