Brasilíumennirnir Gabriel Martinelli og Gabriel Jesus leikmenn Arsenal voru ekki í síðasta landsliðsverkefni þegar Brasilía mætti Gana og Túnis í æfingaleikjum.
Það kom mörgum á óvart en þeir hafa staðið sig gríðarlega vel með Arsenal á tímabilinu.
Það fer að styttast í HM en Gummi og Sæbjörn Steinke ræddu mál brasilíska landsliðsins í hlaðvarpsþættinum Enski Boltinn.
„Ég veit ekki hvað er í gangi hjá brasilíska landsliðinu ef þeir taka ekki Gabriel Martinelli og Gabriel Jesus með sér á HM," sagði Gummi.
„Ég held að þeir séu ekki að fara fyrst þeir voru ekki með síðast," sagði Sæbjörn.
Richarlison, Lucas Paqueta, Neymar, Antony, Raphinha, Vinícius Júnior, Matheus Cunha, Roberto Firmino, Pedro og Rodrygo voru í hópnum í síðasta verkefni en Gummi og Sæbjörn myndu vilja sjá Martinelli og Jesus fyrir Rodrygo og Lucas Paqueta.
